BUTUAN CITY – Nagpabiling tanghaga karun ang dungan nga paghikog sa mag-uyab nga batan-on kagahapon sa sulod sa balay sa Purok-13 Dumalaga, Barangay Maguinda ning siyudad sa Butuan. Gikumpirma mismo ni Kapitan Elino Ortiz ang maong panghitabo sa pakighinabi ning sibyahan.
Giila niini ang mga nagtubok nga sila Marvin Cabillan, 18-anyos og ang hinigugma nga si Laiza Ibay, 16 –anyos nga taga Barangay Sumili ning dakbayan.
Sumala pa sa kapitan, ang igsoon sa lalaking biktima ang nakadiskubre sa panghitabo mga alas 10:00 sa buntag.
Gikan matud pa kini sa eskwelahan og sa dihang pagsulod sa kwarto, nakita nalang nga nagbitay ang mag-uyab nga nag-gakos og wala nay kinabuhi. Gawas sa pisi sa li-og, dunay hikot usab ang ilang tiil ug kamot.
Nagbilin usab og sulat ang duruha diin nangayu kini og pasaylo sa ilang nabuhat apan wala gisaysay ang hinungdan sa paghunos nila sa ilang kinabuhi.
Sumala pa ni Kapitan Ortiz, nga blangko pa sila karun kung unsay tinood nga hinungdan sa pagtubok sa duruha ilabina kay labing pa kining nakit-an anang gabii. (Rolan Janea)
