BUTUAN CITY – Usa ka bata sa Indonesia ang nahatagan og titulong “world’s strangest name” human nasutang legal siyang giparehistro sa iyang mga ginikanan sa pangalang “Google” nga wala’y apilyedo o kaha middle name, kondili Google lang, sama sa search engine.
Sigon sa 31-anyos nga si Andi Cahya Saputra, amahan sa walo ka buwang bata, una niyang nahuna-hunaan ang ideya sa paghatag sa iyang anak og pangalang duna’y kutay sa teknolohiya dihang pito ka buwan nang buntis ang iyang asawa.
Una niyang nahuna-hunaan ang nga pangalan nga anaa sa Qur’an, hangtud nga iyang nakab-ot nga wala sa mga niini ang ha-um alang sa iyang anak.
Dinhi na siya nangita og mga pangalan sa mga technology companies og mga produkto sama sa “Windows, iPhone, Microsoft og iOS”, hangtud nga iyang napilian ang Google.
Sa sinugdanan, supak ang iyang asawa sa maong ideya hangtud nga mi-uyon na kini rason nga ila kining girehistro sunod sa pinakasikat nga internet search engine sa kalibutan.
Sigon sa inahan sa bata nga si Ella Karin, 27-anyos, wala na nila butangi pa og middle name og apilyedo ang ilang anak tungod kay dili nila gustong mamantsahan pa ang espesyal nga pangalan niini.
Tungod niini, gisungog na sila sa ilang mga silingan nga higayong subli silang manganak, panganlan nila kini og “WhatsApp”.
