BUTUAN CITY – Tumang kadismaya ang gibati sa usa ka ginang sa United Kingdom human wala ma-isyuhi og passport ang iyang anak tungod sa pangalan niini.
Midangop gilayon sa social media ang 39-anyos nga ginang nga si Lucy Holloway human naguba ang ilang planong bakasyon sa Disneyland dihang gipadalhan siya og rejection letter sa UK Passport Office nga nagbutyag nga dili ma-isyuhan og passport ang iyang anak tungod sa pangalan niining “Khaleesi”.
Sigon sa UK Passport Office, protektado matud pa ang maong pangalanilalom sa trademark law tungod kay naka-trademark kini sa Hollywood film and entertainment studios nga Warner Brothers.
Maka-issue lang matud pa sila og passport sa anak ni Lucy kung makapakita sila og kasulatan gikan sa Warner Brothers nga magtugot kanilang gamiton ang pangalang “Khaleesi”.
Nasayrang ang pangalang Khaleesi, dagnay ni Daenerys Tar-garyen, nag-unang karakter sa sikat nga TV show nga “Game of Thrones,” nga gisulat ni George R. R. Martin.
Tungod sa post ni Lucy, gibatikos og maayo ang UK Passport Office hangtud nga nagpadala na usab kini og sulat nga nangayo og pasaylo ug nagbutyag nga hatagan na og passport ang iyang anak
