BUTUAN CITY – Ngilngig nga kamatayon ang nasinatian sa 2-anyos nga batang lalaki human aksidente matud pang nasulod sa kalderong duna’y nagbukal nga sabaw sa Batchoy sa Barangay Pantalan, Carles, Iloilo.
Sa interview sa Bombo Radyo Philippines, gibutyag ni Police Lt. Col. Arnel Solis, spokesperson sa Police Regional Office 6, nga nagdula matud pa ang bata adiser ang insidente.
Gibutang matud pa sa inahan sa bata ang kaldero sa yuta tungod kay duna pa kini lutuon nga laing pagkaon.
Wala na niini namatikding mipadulong na ang iyang anak duol sa dakong kaldero ug aksidente kining nahulog.
Dali kining gidala sa ospital kondiin naka-angkon kini og fourth degree burn apan wala na nakaya sa bata ang na-angkong paso sa tibuok lawas hinungdan sa iyang kamatayon.
Nagpahimangno si Solis sa mga ginikanan nga bantayan og maayo ang ilang mga anak aron malikay sa aksidente.
