BUTUAN CITY – . Aron nga dili dukaon nakadesider ang 12-anyos nga bata sa China nga magbutang ug 10-sentimetros nga gitas-on sa dagom sulod sa iyang kinatawo.
Desperado matod pa ang wala panganling bata sa Shanxi, China aron dili makatulog samtang padayon nga magtukaw alang sa iyang assignment, hinungdan nga gikuha niini ang taas nga dagom sa iyang lola og gisulod sa kinatawo partikular sa agi-anan sa ihi.
Bisan paman nga walay klarong basehan nga makatabang kini aron dili dukaon, apan gibutyag sa biktima nga mao matod pa ang sulti kaniadto sa iyang inahang hinungdang iya usab gisulayan.
Ulahi na dihang nasayran sa bata nga lisod ng makuha ang gisulod niya nga dagom sa iyang kinatawo, kansa naghatag niya ug grabeng kasakit nga gibati ug kalisud na ilakaw.
Gidala gilayon ang biktima sa ospital ug nasuta ni Dr. Wang Shengxing ang dagom nga anaa na duol sa pantog kansa dunay dakong chansa maka mugna ug infection o maapektuhan ang ubang organ.
Sa pikas bahin gibutyag ni Dr. Wang nga swerte ang pasyente tungod kay nakuha gilayon ang 10sentimetrong dagom nga walay kakulian.
