BUTUAN CITY – Hingpit nang nakauli sa ilang tagsa-tagsa ka pamilya ang 5 ka mga mananagat nga sobra duha ka semana nga nagpalutaw-lutaw nalang sa bisinidad sa Spratly Islands sa West Philippine Sea human gibang-gaan ang ilang bangkang panagatan sa wala pa matumbok nga barko.
Nasayran nga Enero 30 mga bandang alas 8:00 sa gabii sa dihang nabang-gaan ang kahoy lang nga panagatan nga FBCA Prince Elmo 2 diin sakay niini ang 8 ka mga mananagat.
Bandang alas 3:15 na sa hapon niadtong Pebrero 16 nalabyan ang mga niini sa barko gikan sa Vietnam nga MV Dong An apan niadtong higayona, 5 nalang ka mananagat nga nagkupot sa unang parte sa naguba nga bangka ang na-abtan diin missing ang tulo.
Gipahibalo sa Atiko Trans Inc., ang ship agent sa Dong An, ang Philippine coastguard sa na-rescue og giplastar ang pagturn-over niini nga natigayon kagahapong adlawa, pasado alas 6:00 sa buntag sa Mariveles, Bataan diin bitbit na sa BRP Boracay sa PCG ang mga medical og nursing personnel.
Ang 5 ka mananagat gelayong gipauli sa Naic, Cavite. Base sa imbestigasyon, mibiya ang mga niini niadtong Enero 17 aron mangisda sa Lubang Island, Occidental Mindoro hangtud sa Enero 30.
Apan tungod sa kusog nga hangin nga dala sa Amihan, napadpad ang ilang bangka ngadto sa West Philippine Sea hangtud nga kini nabanggaan.
Gipahibalo na ang PCG Palawan Station aron pangetaon ang tulo ka missing nga mananagat og mag-isyu ug Notice to Mariners kon NOTAM nga mag-alerto sa molabay nga barko.
