Tumang kakurat ug kalibog ang gibati sa usa ka lalaki sa Norway dihang pagmata niini, perti ka dakong barko na nga nidunggo sa iyahang tugkaran ang nisugat kaniya.
Naila ang maong lalaki nga si Johan Helberg kinsa nagpuyo sa baybayon sa Byneset sa syudad sa Trondheim sa Norway asa misangad ang usa ka 135 metros nga container ship sa tugkaran sa iyang panimalay.
Subay niini, dili lang usab si Johan ang naglibog sa maong panghitabo, tungod kay asta ang mga otoridad, naglibog usab kung hilom ba ang pagdunggo sa maong barko, o ang tagbalay lang gyud ang perti ka tulog tungod kay nganong wala man kini siya maka bantay nga may barko na diay sa iyahang nataran.
Subay pa sa mga otortidad nga nakamata nalang si Johan dihang duna nay nag punay og tuplok sa doorbell niini.
Sa kasamtangan, kamulo pa ang imbistigasyon sa mga kapulisan mahitungod sa maong panghitabo tungod kay nasuta nga wala maka-inom ug dili usab ilawom sa impluwensya sa ginadiling druga ang mga crew sa nasangpit nga barko, bugtong angulo lamang nga gitan-aw sa mga otoridad kay nakatulog ang guiding crew niini rason nga napadpad ang maong barko sa usa ka tugkaran.
