BUTUAN CITY – Gikumpirma sa 27 anyos nga aktres nga si Barbie Forteza nga bulag na sila sa iyang long-time boyfriend ug actor nga si Jak Roberto kagahapong adlawa, Huwebes, Enero 2, 2025.
Wala na gilantad sa aktres ang hinungdan sa ilang break up. Sa gipa-ambit nga post sa iyang social media accounts, nagbilin si Barbie og mensahe para kang Jak diin gihulagway niya ang pagtapos sa ilang pito ka tuig nga relasyon isip usa ka “beautiful goodbye”.
Nagpasalamat usab ang aktres kang Jak sa paghigugma sa aktor kaniya. Miapela usab si Barbie sa iyang mga supporter og pagsabot ug naglaum nga matuldukan o mohilom na ang nasangpit nga hisgutanan.
Sa karun, wala pay gipagawas nga pamahayag ang aktor mahitungod sa ilang break up ni Barbie.
Usa sa pinakadugay nga celebrity couples sila Barbie Forteza ug Jak Roberto nga mitatak sa kasing-kasing sa ilang fans isip JakBie.
