BUTUAN CITY – Gidala na sa Agusan del Sur Prosecutor’s Office ang nasikop nga Barangay Kagawad sa Purok 3, Brgy. Ilihan, Sibagat, sa nasangpit nga probinsya tungod sa paglapas sa Republic Act 9165 kon mas nailang “Comprehensive Dangerous Drugs Act of 2002” alang sa ipahigayong inquest proceedings.
Kahibaloan nga nasikop sa drug buy-bust operation ning nakalabay’ng alas-4 sa hapon ang suspetsadong si Joemar Empic, 35-anyos ug nakuha gikan niini ang balor 10-mil pesos nga kantidad sa suspected shabu ingon man buybust money. Nasayrang niadtong tuig 2016, naaresto na usab kini tungod sa paglapas sa Section 7, Article II sa susamang akta republika apan gibasura kini sa korte.
Sigon ni Dindo Abellanosa, ang tigpamaba sa Philippine Drug Enforcement Agency Regional Office kon PDEA-Caraga, si Empic na ang ikatulong baranggay kagawad sa rehiyon sa Caraga nga nasapon sa anti-drug operation sa karong tuiga.
Wala pa kini labot sa uban pang mga indibidwal nga anaa usab sa gobyerno nagtrabaho sama nalang sa public school teacher, traffic enforcer, ug uban pa.
Ang pamahayag ni Dindo Abellanosa, ang tigpamaba sa Philippine Drug Enforcement Agency Regional Office kon PDEA-Caraga.
