BUTUAN CITY- Padayon nga minghimo og aksyon ang Barangay San Roque Bislig City, Surigao del Sur aron nga masiguro ang kaluwasan sa mga residente human sa pagbaha nga nakaapekto sa Sitio Mabog ug Sitio Mabarasan.
Sumala ni kapitan Mario Angelo “Kokoy” Rabuya, nga padayong ginamonitor sa mga Barangay Officials inobanan sa mga Sitio Chairman ang kahimtang sa mga residente sa nasangpit nga Barangay hilabi na sa Sitio Mabog ug Mabarasan kansa mao ang grabe nga nabahaan. Sa kasamtangan, 17 ka kabalayan ang gi‑monitor diin adunay duha ka pamilya nga naapektuhan. Sigon ni Kapitan Rabuya, nga ang tubig nga mingkuyanap sa kadalanan nagikan sa kabukiran samtang ang ulan nagpadayon.
Gi‑mandoan na usab matud pa sa kapitan ang mga kagawad ug sitio chairman nga mag‑monitor sa sitwasyon samtang gi‑andam na usab ang evacuation center ug pagkaon nga ready‑to‑eat alang sa mga evacuees. Dugang pa niini, nga posible ang landslide apan layo kini sa residential area; ang nag‑unang problema mao ang tubig nga gikan sa bukid.
