BUTUAN CITY – Miabot sa 250 ka partisipante gikan sa 86 ka mga barangay ning siyudad sa Butuan ang nakatambong sa gilusad nga Barangay Road Safety Program sa pagpanguna sa City Transportation and Traffic Management Department kon CTTMD-Butuan sa nakalabay nga adlaw.
Sigon ni Eldie David, tigpamaba sa maong opisina nga katuyuan sa Barangay Road Safety Program nga ma-edukar og matudloan ang matag barangay sa pag-implementar og mga programa aron makunhuran ang disgrasya sa kadalanan.
Kini dayung butyag nga ang pagtubag sa maong problema kaakuhan natong tanan.
Nasuta nga ang sagad nalambigit sa disgrasya sa kadalanan anaa sa pangedarong 25 ngadto sa 34-anyos diin kadaghanan mga lalaki og single motor ang kasagarang mga nalambigit.
Gitumbok sa opisyal ang pagbuhat og road safety plan nga maoy ipatuman sa matag-barangay sama sa pagbutang og sinages samtang palihukon ang ilang mga barangay tanod nga maoy magsilbing traffic enforcers.
Ang buhatan usab maoy magmonitor sa ilang gi-implementar nga programa diin mohatag usab sila og Best Barangay Implementer Awards.
Sa maong aktibidad, gi-presentar usab ang lima ka mahinungdanong butang aron makabaton og kaluwasan diha sa kadalanan.
