BUTUAN CITY – Bikil sa pulitika ang nakitang hinungdan sa kabanay sa kapitan sa Brgy. Amparo ning siyudad sa pagkapusil-patay niini kagahapon sa alas-5:40 sa hapon.
Samad-pinusilan sa ulo og dughan ang gikamatay ni Kapitan Segundo Cabudlan, human gipatay sa riding in tandem suspects.
Sa eksklusibong pakighinabi ning sibyahan sa kamaguwangan nga anak ni Kapitan. Cabudlan nga si Lunalisa, gibutyag niining nakurat na lamang siya sa nahitabo sa iyang amahan ilabina nga kanunay man kini ubanan sa mga tanod.
Aminado si Lunalisa nga duna’y nadawat nga hulga sa iya kinabuhi ang iyang amahan nga gipaagi sa text diha sa cellphone niini. Wala matud pa magsuot ug bonnet og helmet ang mga suspek.
Dugang pa ni Lunalisa, nasaksihan pa sa iyang igsoon nga lalaki ang hitabo kinsa mitambling sa kasagbutan human gihulga usab nga patyon sa mga responsable. (Kriz Maravilla)
