BUTUAN CITY – Gi-andam na ang kasong ipasaka batuk sa usa ka barangay kagawad nga nasikop sa gipahigayong anti-illegal drug operation kagahapon sa alas 9:00 sa buntag sa may Barangay San Agustin, lungsod sa Carmen, Agusan del Norte.
Naila ang suspetsado nga si Gilbert Galano Gantala, usa ka barangay kagawad sa San Agustin ug nabutang isip high value target.
Gi-ronda sa mga ginsakpan sa Carmen Municipal Police Station ang panimalay ni Barangay Kagawas Gantala binasehan ang search warrant nga gi-issue ni Judge Nemeson Canete, sa Municipal Circuit Trial Court sa maong lungsod.
Nakumpiska sa maong operasyon ang 5 ka sachet sa gitoohang shabu.
Sa kasamtangan, gikustudiya na ang suspek sa Carmen Municipal Police Station alang sa tukmang disposasyon.
