BUTUAN CITY – Na-inquest na sa Agusan del Sur Provincial Prosecutor’s Office ang kaso batuk sa kagawad sa Barangay Del Monte, lungsod sa Talacogon human nakuhaan og shabu ug mgadrug paraphernalia atol sa gipahigayong drug buy-bust operation.
Naila ang gikasuhan nga si Joemar Plaza Curato, 36- anyos, minyo, ug residente sa Purok Santan, Barangay San Agustin, sakop sa maong lungsod. Nakuha gikan kaniya ang usa ka gramong shabu nga nagkantidad og 10-mil pisos; 10 ka tag-one thousand peso bill nga buy-bust money; usa ka smart phone; ug ID card.
Sumala ni Dindo Abellanosa, tigpamaba sa Philippine Drug Enforcement Agency kon PDEA Caraga, dugay nang gi-survveilance ang maong opisyal, taliwala pa man nga hagbay ra kining gi-warningan sa mga otoridad.
Paniguro usab sa opisyal nga walay angay ikabalaka ang publiko sa ilang mga operasyon, ilabina ang gikahadlukang dunay pagtanom og mga ebedensya tungod kay gikinahanglan man sa mga kapulisan nga dunay klarong kuha sa ilahang body camera arun kini dawaton sa korte isip ebidensya.
Ang pamahayag ni Dindo Abellanosa
