BUTUAN CITY – Parehong dead-on-the spot ang pag-omangkon og uyuan niining Barangay kagawad human kini nakuryentihan kagahapon sa alas 5:30 sa hapon sa may Purok-4, Barangay Buhang lungsod sa Magallanes, Agusan Del Norte.
Giila ni Police Lieutenant Carlos Villadores, Deputy Chief sa Magallanes Municipal Police Station ang mga biktima nga sila Raymond Losdose, 28-anyos, olitawo og ang uyuan nga si Jeuward Sara, 35-anyos og Kagawad sa Barangay Sto. Niño sakop sa maong lungsod.
Saysay pa ni Police Lieutenant Villadores, gisuhulan lang ang mga biktima nga manglimpiyo sa panimalay ni Albina Bolongaita, 70-anyos.
Sa dihang misaka na ang mga biktima sa atop aron limpiyuhan kini adiser pintalan, wala namatikdan sa duruha ang live wire sa linya sa Aneco nga dool nalang kaayu sa atop.
Posibleng aksidenteng nahilaman sa mga niini ang wire og napilit na sila sa maong wire hangtud nabugtuan sa gininhawa.
Muabot pa sa mga 20 minutos adiser napalong ang linya sa kuryente og nakuha ang mga patay’ng lawas. Gidala ang mga niini sa ospital sa maong lungsod.
