BUTUAN CITY- Gibutyag ni Aiza Supas resident sa Barangay Taligaman, Butuan City, nga bisan dili pa grabe ang sulog sa tubig kumpara sa miaging mga panahon, dili gihapon kini angay ikumpiyansa tungod sa nagpadayon nga ulan nga dala ni Bagyong Basyang. Matud pa niya, kagahapon sa hapon misaka na ug milapas sa outline ang tubig sa sapa.
Dugang pa ni Supas, nga sa Barangay Bugsokan, tungod sa nagpadayon nga pag-ulan misamot ang pagkabasa sa yuta ug nagresulta sa landslide nga nakomperma usab sa mga drayber sa lugar, hinuon na-aksyonan gilayon kini tungod adunay naka-standby nga bakho gikan sa Equiparco.
Gibutyag ubab niini, nga giangkon sa kapitan sa Barangay Bugsokan nga delikado ang maong dapit tungod kay under-construction ang kalsada ug posibleng matabunan kung mapasagdan, hilabi na nga anaa kini sa bukirang dapit, gani gipatuman na usab matud pa ang time-to-time monitoring ug standby equipment aron masiguro nga dili maapektuhan ang tibuok dalan nga agi-an sa mga sakyanan.
