BUTUAN CITY – Patay ang driver sa usa ka bao-bao, samtang angul usab ang unom ka mga pasahero niini lakip na ang mga bata human gibanggaan sa usa ka pickup truck sa may Purok 26, Sitio Lanitum, Brgy Suawan, Marilog District, Davao City, Domingo sa hapon, April 27.
Sumala sa inisyal nga imbestigasyon sa Marilog Police Station, nagbyahe matud pa sa Davao-Bukidnon road ang 76 anyos nga driver sa pickup padulong Davao dihang nawad-an kini og kontrol pag-abot sa pakurbadang bahin sa karsada sa nasangpit nga lugar.
Ang resulta, nibangga kini atubangan mismo sa bao-bao nga nagbyahe sa pikas lane.
Sa kakusog sa impact, patay diha-diha dayon ang driver samtang nakahiagom ang unom ka pasahero niini og daghang injury sa lawas kinsa padayon pang nagpaalim sa balay tambalanan.
