-- ADVERTISEMENT --
BUTUAN CITY – Gisaway sa grupong Bantay Bigas ang lain na usab nga eksena ni Pres Bongbong Marcos mahitungod sa isyu sa agrikultura. Kini human nagtanyag ang Department of Agriculture o DA sa Sulit Rice ug Nutri Rice aron maoy mapalit sa mga katawhan sa nasud.
Sumala ni Bantay Bigas spokesperson Cathy Estavillo nga wala pa gani makasulbad sa tinud-anay nga suliran sa bugas ang Kadiwa Store ni Presidente Marcos Jr.,nag-imbento na usab kini og mga lakang nga lisod dawaton sa publiko.
Sayrang tuig 2025 na apan wala pa gihapon natuman sa Presidente ang saad niining kunhuran ngadto sa 20 pesos ang kada-kilo sa bugas.
