BUTUAN CITY – Gikalagot ni Bise Presidente Sara Duterte ang mga komento sa mga kritiko niini nga usa matud pa siya ka ‘spoiled brat’ human sa pagtunga niini sa hearing sa 2025 budget proposal sa Office of the Vice President sa ubos-balay bala-uranan diin wala makagusto ang mga magbabalaod sa iyang mga tubag.
Sumala sa Bise Presidente, wala lang ma-anad ang mga magbabalaud nga dili makuha ang ilang gustong tubag ug tubagon sila sa dili nila gustong madungog, rason nga ilang gi-isip nga pag atake na kini alang kanila. Nagtuo usab ang Bise Presidente nga natubag niini ang gustong masayran sa mga magbabalaod bahin sa budget sa Office of the Vice President. Nagtuo siyang gigamit lamang sa mga kongresista ang nasangpit nga hearing arun siya batikuson.
Himoon ang ikaduha niining budget hearing karong adlawa human kini gisibog tungod sa wala nila pagsinabtanay sa unang pagdungog niadtung Agusto 20 ning tuiga.
