BUTUAN CITY – Na-rescue sa miaging gabii sa Philippine Coast Guard (PCG) ang 22 ka mga tripulante sa sakyanang pangingisda human nasunog ug mibusikad ang maong bangka. sa Bucas Grande Island sa Surigao del Norte ning mi-aging hapon.
Sa eksklusibong pakighinabi sa Bombo Radyo Butuan, gibutyag ni Commander Lawrence Roque, hepe sa Philippine Chief Coast Guard sa Surigao del Norte, nga nakadawat sila og distress call rason nga ila gilayon kining girespondihan rason nga naluwas ang tanang sakay niini.
Napulo sa 22 ang gidala gilayon sa Caraga Regional Hospital sa Surigao City human naka-angkon og mga paso sa lawas dihang wala gilayon maka-ambak gikan sa bangkang pangisdaan.
Sumala pa ni Roque, mga residente sa Bayawan City, Negros Oriental ang mga biktima ug nangabot sa kadagatan sa Bucas Grande aron mangisda.
Gihikay na ang mga dokumentong kinahanglanon alang sa pagpa-uli na sa mga biktima.
