BUTUAN CITY – Lalum ang tinubdan sa hisgutanang yutang kabilin sa Mt. Magdiwata sa San Francisco, Agusan Del Sur, kini ang gikbutyag ni Ferdausi Cerna, ang Regional Director sa National Commission on Indigenous People kon NCIP-Caraga, kansa usa usab sa mga Tribong Manubo nga claimant sa yutang gilalisan sa usa ka kompanya sa Palm Tree nga mao ang NGPI Multipurpose Cooperative tali na sa mga Tribonb Manubo sa maong lugar.
Ang maong pamahayag gihimo sa nasangpit nga opisyal human sa nahitabong pagpamusil sa mga trabahante nga nag-harvest og mga bunga sa palm tree sa Mt. Magdiwata, Purok 1, Brgy. Bayugan 2, San Francisco, Agusan del Sur ning nakalabayng adlaw kansa mikalas og usa ka kinabuhi samtang duha ang samaron.
Kahibaloan nga ng nasangpit nga bangi sa yuta, nag sugod sukad pa niadtung tuig 2000 human gisugdan sa mga katutubo ang pagpa titulo sa niini alang sa konkreto nila nga pag angkon. Niadtung nakalabayng tuig, hingpit nang nahatagan og titulo sa Buhatan sa National Commission on Indigenous People ang mga Manubo sa maong lugar alang sa maong yuta, kansa wala gikalipay sa nahisgutang kompanya nga dughay na usab sa maong lugar.
Sugyot sa maong opisyal, usa lamang ang tubag sa maong bangi, og kini mao ang malinawong panaghisutay sa ingon nga wala nay kinabuhi pang makalas. Sa kasamtangan, padayon ang imbestigasyon sa mga kapulisan sa nasangpit nga pagpamusil-patay.
