BUTUAN CITY – Gikalipay sa legendary rock ‘n’ roll band nga Chicago ang umalabot nga pag-feature sa Star FM Philippines sa ilang mga kanta ug excited na usab silang i-promote ang Star Sunday Special program kansa madunggan sa karong Dominggo, Septembre 27.
Sa ekskilusibong interview sa Star FM Bacolod kang Chicago lead guitarist Keith Howland, gibutyag niining gusto na nilang mubalik sa Pilipinas aron makiasuroy sa mga nindot nga lugar tungod kay wala matud pa sila nakabaton og igong oras aron makasuroy human ang ilang konsyerto niadtong 2016.
Dugang pa ni Howland, nindot balik-balikan ang Pilipinas ilabina nga daghan ang makasabay sa ilang mga kanta sama sa You’re the Inspiration; Hard To Say I’m Sorry; Hard Habbit To Break ug daghan pang uban.
Mapasalamaton usab kining na-interview sa Star FM aron mas maka-abot pa sa ilang mga Pinoy fans ilabina sa mga tigpaminawan niini apil sa Bombo Radyo.
.
