BUTUAN CITY – Padayon pa karung gisuta ang kinatibuk-ang damyos sa nahitabong paglampas sa plantasyon sa sagingan lakip na ang pagpangsunog sa mga ekwepo nga gipanag-iyahan sa DOLE-STANFILCO plantation sa Barangay Anahao Daan, Tago, Surigao Del Sur kagahapong adlawa.
Ang mga responsable, mga miyembro matud pa sa Guerilla Front Committee 19 sa New People’s Army kon NPA, base sa pamahayag ni Capt. Al Pueblas- spokesman sa 36IB Philippine Army sa pakighinabi ning sibyahan.
Sigon sa opisyal, nadawat nila ang taho alas 12:45 sa sayung udtu mahitungod sa pagpanglampas sa mga punuan sa saging ug pagsunog sa 4 ka hauler ug laing 2 pa ka truck.
Samtang gipanubayan usab sa militar ang pag-hostage sa usa ka sibilyan.
Gipalawman na nila ang intel monitoring, security operation og pakig-alayon sa kapulisan, lokal nga kagamhanan sa Tago ug sa kompanya.
Kini dungan sa pagkondena sa militar sa maong insedente nga miguba matud pa sa panginabuhian sa daghang pamilya nga nagsalig sa maong plantasyon. (Rolan Janea)
