BUTUAN CITY -Lisod pa pagdawat ang kabanay sa usa ka lalaki sa Trento Agusan del Sur human namatay dihang napaakan og halas kagahapong adlawa.
Naila ang biktimang si Eddie Alteza, residente sa Crossing Cuevas/Kampo Cuevas sakop sa nasangpit nga lungsod.
Sigon sa pag-umangko sa biktimang si Eseil Alteza Lumacad-Montejo, nanugway lang ang iyang uyuan sa bukid dihang nabantayan niini nga daw adunay nagsunod-sunod kaniya.
Nagtuo lang matod pa ang biktima nga iro lang ang gasunod-sunod kaniya rasong wala lang usab niya kini panumbalinga apan paglingi niini, misugat kaniya ang banakon kansa paspas nga mipaak sa bagtak niini.
Napatay pa sa bitkima ang halas ug naka-uli pa kini ron unta magtambal apan wala na kini natabang pa.
Sigon ni Montejo sakit kaayo ug lisod dawaton alang kanila ang nadangatan sa ilang angkol labi na nga magsaulog pa unta kini sa iyang adlawng natawhan karong adlawa.
