BUTUAN CITY – Migawas karun ang posibilidad nga dunay laing tawo ang nidunggab patay sa call center agent nga si Carmela Lantot Mamac, 42-anyos samtang sakay sa usa ka modern jeep didto sa Barangay Ibo, Lapu-Lapu City niadtong Sabado sa gabii, Disyembre 28, 2024.
Kini tungod kay ang mga kaubanang guwardiya sa bana nga maoy suspek na si Jelson Mamac, 44 anyos, motestigo man nga anaa ra sa ilang quarter ang suspek sa dihang nahitabo ang kremin.
Samtang gipaneguro usab sa suspek nga makita sa CCTV Footage sa tunghaan diin siya nag-guwardiya nga wala siya nakagawas sa eskwelahan human usab nahubog tungod sa christmas party.
Nasayran gisikop sa Lapu-Lapu City ang suspek tungod kay base pamahayag sa driver ug konduktor sa white Hino bus nga iya sa Lamado MPC nga misulti ang biktima nga dili pasakyon ang suspek sanglit iya kining bana.
Nagkasakay sila sa Parkmall terminal sa Mandaue City ug padulong na mupauli si Carmela sa iyang gipuy-an sa Maribago dihang nahitabo ang kalit nga pagpanunggab kaniya sa makadaghan ginamit ang usa ka “ice pick”.
Nasayran usab nga 12 ka tuig na nga bulag ang duruha.
