BUTUAN CITY – Dili lang patung-patung nga kaso ang gikaatubang karon ni Bamban Mayor Alice Guo mahitungod sa Philippine Offshore Gaming Operator kon POGO, kundili tanggal na usab kini sa partidong Nationalist People’s Coalition.
Sumala ni Presidential Anti-Organized Crime Commission kon PAOCC spokesperson Winston Cassio nga bug-at matud pa ang ilahang ebidensya kontra sa suspendido nga Mayora, rason nga dili matud pa sila mag duha-duha sa pagpasaka og kaso niini. Dugang niini nga hugot ang ilahang pagtuo nga konektado ang Bamban Philippine Offshore Gaming Operation kon POGO sa Lucky South 99 sa Porac, Pampanga.
Alayon niini, gikabutyag usab s akanhi Senador Tito Sotto, ang Chaiman sa Nationalist People’s Coalition, dili matud pa niini kunsintehon ang mga daotang binuhatan sa ilang mga myembro nga sukwahi sa prensipyo sa ilahang partido. Tubag kini sa kanhi Senador sa sulat nga gipadala kaniya ni Tarlac Gov. Susan Yap, ang NPC provincial chairperson.
Sa kasamtangan, padayon pa ang imbistigasyon sa Presidential Anti-Organized Crime Commission kon PAOCC sa mga Philippine Offshore Gaming Operator kon POGO diin anaa na sa 50 na ka mga langyaw ang ilahang nasikop tungod sa maong illegal nga binuhatan.
