BUTUAN CITY – Pormal nang nagduso og reklamong qualified trafficking in persons ang Presidential Anti-Organized Crime Commission kon PAOCC batuk kang suspended controversial Bamban, Tarlac Mayor Alice Guo uban sa lain pang 13 ka mga indibidwal ug kanhi opisyal sa gobyerno nga si Dennis Cunanan.
Kini tungod sa iyang kalambigitan sa ilegal nga operasyon sa POGO sa Bamban, Tarlac ug sa Porac, Pampanga. Personal nga mi-adto sa DOJ si Presidential Anti-Organized Crime Commission director Gilbert Cruz ka-uban si PNP spokesperson Col. Jean Fajardo bitbit ang kinahon-kahon nga mga dokumento isip ebidensya.
Gihimo kini sa PAOCC human nila nakitang duna’y igong basehan ug ebidensya nga nalambigit matud pa si Guo sa mga ilegal nga operasyon sa POGO sa iyang lugar kansa una na niining gipanghimakak.
