Balor tunga sa milyon nga pekeng kwarta, nakumpiska sa Agusan Del Norte

BUTUAN CITY – Nagtingkagol karun sa karsel ang duha ka indibidwal human kini nasapon nga naghupot ug muabot sa 500 ka book nga tag-usa ka libo nga pekeng kwarta sa lungsod sa Nasipit , Agusan Del Norte sa kagahapong adlawa.

Naila ang mga suspetsado nga sila Robert Paglinawan Daplas, 40-anyos, fish vendor, dunay kapuyo nga taga Poblacion, Bacuag, Surigao del Norte ug Milagros Eresani Aday, 41-anyos, dunay kapuyo nga residente sa San Isidro, Gigaquit, Surigao del Norte.

Sigon ni Police Major Emmerson Alipit, Public Information Officer sa Agusan Del Norte Police Provincial Office, daling misumbong sa Nasipit Municipal POlice Station ang biktima sa dihang nakadawat kini og 3-mil pesos bayad gikan sa mga suspetsado nga mipalit og upat ka kilos nga lechon sa iyang tindahan gawas sa bulangan sa may Brgy.Triangulo, Nasipit, Agusan del Norte.

Sa paghawid palang sa kwarta, nagduda na ang biktima rasong gelayon nga giisusi og nasutang kini mga peke. Gisulayan pa sa biktima pagpangeta ang mga suspetsado apan nakabiya na kini sakay sa motorsiklo.

 Dinhe na nagpakitabang ang biktima sa kapulisan nga daling nagmontar og Checkpoint sa National Highway sa Brgy. Triagulo, Nasipit, Agusan del Norte og malampusong nakuha ang mga suspetsado.

Gidala ang nadakpang suspek ngadto sa police station og sa gihimong imbestigasyon, gi-angkon sa mga niini ang kremin dayung surender sa unom ka bundles nga dunay sulod sa 500 ka book nga tag-usa ka libo ka pesos nga pekeng kwarta nga muabot sa katibuk-ang tunga sa milyon ka pesos.  

Nasang-at na usab ang kasong may kalapasan sa Article 315 sa Revised Penal Code alang sa krimen nga Estafa o Swindling ug Article 168 sa Revised Penal Code nga Illegal possession and use of false treasury or bank notes and other instruments of credit.