BUTUAN CITY – Mi-abot sa balor P850,000.00 nga suspected shabu ang nakumpiska sa mga otoridad atol sa gilusad nilang drug-buy bust operation kaganinang alas-12:20 sa kaadlawon sa Purok 3, Brgy. Libertad ning siyudad sa Butuan.
Nasayrang mi-abot sa 125-gramos ang gibug-aton sa 13 ka mga selyadong plastic sachets sa suspected shabu ang nakuha gikan sa posisyon ni Jalil Basar Ampaso, 28-anyos, minyo, wala’y trabaho ug residente sa Purok 11, Brgy. Ong Yiu ning siyudad.
Anaa na sa kostudiya sa Regional Drug Enforcement Unit-13 ang maong mga epektos alang sa tukmang disposasyon apil na ang uban pang mga nakuha gikan sa iyang posisyon sama sa usa pa ka sachet sa shabu nga maoy buy-bust item, improvised glass pipe ug aluminum gutter nga parehong duna pay lama sa maong ginadiling druga, usa ka electronic weighing scale, cell phone, mga drug paraphernalia, ingon man motorsiklo.
Gihimo ang operasyon sa hini-usang pwersa sa RDEU-13, Butuan City Police Station 3 Drug Enforcement Unit, Philippine Drug Enforcement Agency kon PDEA-Caraga ug Agusan del Norte Police Provincial Office.
