-- ADVERTISEMENT --
BUTUAN CITY – Padayong gi-imbestigahan sa mga otoridad ang usa ka Zambian nga nakuhaan og balor P63 million nga kantidad sa shabu sa may Ninoy Aquino International Airport Terminal 3 ning mi-aging adlaw.
Sigon sa Bureau of Customs (BOC), nakuha gikan sa maong langyaw ang 9-kilos sa shabu gikan sa usa ka black suitcase, nga gisudlan usab og mga sapot.
Gi-turn over na ang maong Zambian ug ang nakumpiskang kontrabando ngadto sa Philippine Drug Enforcement Agency (PDEA).
Gawas sa paglapas sa Comprehensive Dangerous Drugs Act apil sa gilantaw ang posibleng paglapas usab sa suspetsado sa Customs Modernization and Tariff Act.
