BUTUAN CITY – Pormal nang gipresenta kang Gov. Alexander Ayec Pimentel ang duha ka babayeng nakakita sa usa ka bloki sa gituohang cocaine nga sila Inna Lauren Biol ug Ruth Ilagan, parehong residente sa Brgy. Valencia, Lingig, Surigao del Sur.
Kahibaloang nakita sa duha ang gituohang cocaine samtang nangaligo sa dagat sa may Baesan Beach, Sitio Maribojoc, Brgy. Valencia niadtong Marso 9 sa hapon.
Sumala sa kapulisan sa Lingig, gipahibalo gilayon sa maong mga babaye ngadto kanila ang nakita nga kontrabando kansa gibana- banang mitimbang og usa ka kilo nga posibleng nagkantidad ug 5-miyunes pisos.
Sa kasamtangan, anaa na ang maong kontrabndo sa kustodiya sa kapulisan alang sa laboratory examination. Kini na ang ikaduha nga bloki sa cocaine nga nakit-an sa kadagatan sa Surigao del Sur sunod sa unang nakita sa Tandag City.
