BUTUAN CITY – Gibana-banang mukantidad og ₱108,000,000.00 ang nakumpiskang 16 ka kilo sa suspected sa shabu sa mga sakop sa Phiippine Drug Enforcement Agency kon PDEA-Caraga uban sa provincial offices nila sa Agusan del Norte ug Sur sa gilusad nilang drug buy-bust operation kaganinang alas-6:40 sa buntag sa Purok 1, Brgy. Sta. Irene, Bayugan City, lalawigan sa Agusan del Sur.
Nakuha kini gikan sa posisyon nila Octomar Demetrio, 32-anyos, residente sa Brgy. Baan Km. 3, ning siyudad sa Butuan ug Janray Cala, 22-anyos, residente usab sa sa Purok 5, Brgy. Doña Rosario, lungsod sa Tubay, Agusan del Norte kinsa naaresto gilayon atol sa maong operasyon.
Apil sa mga nakuha gikan sa ilang posisyon ang duha ka cell phones nga iya kang Cala, usa ka bag nga duna’y sulod nga assorted plastic, usa ka glass pipe ug lima ka digital weighing scale.
Nasayrang ang maong mga ilegal nga druga, giputos sa selyadong plastic bag sa Lazada ug J&T Express couriers.
Kasong paglapas sa Section 5 ug 11, Article. II sa Republic Act 9165 ang atubangon sa mga dinakpan.
