BUTUAN CITY – Gihunong una sa Commission on Elections ang pag-printa sa mga balota alang sa Bangsamoro Autonomous Region in Muslim Mindanao (BARMM) parliamentary elections tungod sa nakaung-ong na ang enrolled bill sa bicameral conference committee mahitungod sa maong election ngadto sa October 13, 2025.
Sumala ni Comelec Chairperson George Garcia nga dako matud pang posibliidad nga mamahimong balaod ang nasangpit nga enrolled bill. Apan gawas niini, gipasabot usab sa kalihim nga magpadayon matud gihapon ang pag-imprinta sa national ug local nga mga balota alang sa BARMM. Sayrang naka imprinta na ang Comelec og gibana-banang anaa sa 32 milyones ka mga balota—42% sa kinatibuk-ang gikinahanglan alang sa Mayo 12 nga eleksyon—ug nagpabiling anaa sulod sa eskedyul.
Una nang gipahibalo sa komisyon nga mahuman ang maong pag imprinta sa Marso, ug gikatakda usab ang pag verify karong umalabot nga Abril. Subay niini, sutaon pa usab sa COMELEC kung mohimo pa ba bag-ong filing sa Certificate of Candidacy ugaling mahinayon ang pagka postpone sa parliamentary election sa BARMM.
Sigon sa Comelec, 109 ka mga aspirants ang naka file na sa ilang certificate of candidacies alang sa district representative seats sa 2025 Bangsamoro polls.
