BUTUAN CITY – Gipanawagan ni P/Chief Insp. Rennel Serrano – information officer sa Police Regional Office 13 kn PRO-13 ang publiko nga dili mutuo sa mikaylap karong sa social media kalabot sa plano matud pa sa Moro Islamic Liberation Front kon MILF nga maglusad og blockade og mang-harass sa mga facilities tungod matud pa sa pagbalewala sa Bangsamoro Framework Agreement.
Sa pakighinabi ning sibyahan, gipadayag sa opisyal nga dili kini angayang tu-uhan nga impormasyon ilabina nga dili kini validated.
Gipasabot ni Insp. Serrano nga kung duna’y intelligence report gikan sa militar o kaha kapulisan, dili kini mamahimong ma-leak sa publiko tungod kay sekreto kining aksyunan sa hingtungdang mga otoridad sa rason nga nag-agad niini ang interest sa nasud og kinabag-ang katawhan.
Kampante ang opisyal nga duna’y indibidwal o kaha grupo nga gusto lang manghadlok sa mga tawo kansa dili angayang sakyan.
Iyang gidugang nga sa ilang han-ay sa kapulisan og kasundaluhan, dili angayang tu-uhan ang ingon nini nga impormasyon sa rason nga ang intelligence report, ma-confide lang sa sa concerned units nga gitahasang mu-aksyon niini. (Beth Ruiz)
