BUTUAN CITY – Gikonsidera sa mga opisyal sa Department of Environment and Natural Resources kon DENR nga panimalos sa hugot nga kampanya batuk sa illegal logging activities sa maong lugar ang pag-atake sa armado og nakamaskarang kalalakin-an sa balay sa usa ka government forest ranger sa Lianga, Surigao del Sur, dayong sunog niini.
Sigon ni DENR Region 13 Director Charlie Fabre, na-abo sa kalayo ang pinuy-anan ni Patrick Angelia, forest ranger nga nadestino sa enforcement section sa Community Environment and Natural Resources kon CENRO – Lianga human gida-uban sa wala mailang mga suspek.
Nakamata gikan sa ilang pagkatulog si Angelia ban sa laing siyam ka mga membro sa iyang pamilya human namatikdan ang mikanat na nga kalayo sa ilang panimalay pasado alas-dos sa kaadlawon.
Nakasibat sila og luwas nga nakagawas tungod sa singgit sa ilang mga silingan.
Gimanduan na usab ni Supt. Rolando Felix, regional director sa Police Regional Office 13 ang Surigao del Sur Police Provincial Office og ang Lianga Municipal Police Station nga tabangan ang Bureau of Fire Protection sa ilang imbestigasyon aron ma-ilhan na og maaresto ang mga responsable. (Beth Ruiz)
