BUTUAN CITY – Padayon pa ang imbestigayong gilusad sa Butuan City Police Station 3 kon BCPS3 aron mailhan og madakpan ang mga responsable sa paglungkab sa pinuy-anan ni Philippine Economic Zone Authority kon PEZA Director General Charito ‘Ching’ Plaza sa may Claudio St., Estacio Village sakop sa Brgy. Bayanihan ning siyudad sa Butuan.
Sigon sa asuy sa anak ni Plaza nga si Frederick Christian Plaza, 39-anyos, residente og kagawad sa Brgy. Tandang Sora ning siyudad, halos mu-abot sa sien-mil pesos nga kantidad sa mga butang ang gibitbit sa wala pa mailang mga responsable.
Apil niini ang window-type air conditioning unit nga nagkantidad og 15-mil pesos, 2-burner stove nga duna’y tangke balor 20-mil pesos, mga house decors og mga gamit balor 50-mil pesos.
Gitu-uhang gisulod ang balay sa opisyal kinsa representante kaniadto dinhi sa dakbayan sa Butuan, pasado alas ning mi-aging gabii. (Beth Ruiz)
