BUTUAN CITY- Gimando ni House Speaker Faustino “Bojie” Dy III nga momugna og Joint hearing ang nagkanda-iyang komite sa Kamara de Representante aron tubagon ang epekto sa krisis sa Middle East. Tumong sa mga hearing nga makahimo og komprehinsibong plano alang sa dali-ang tabang ug kalig-on sa ekonomiya ingon man ang long-term solution.
Lakip sa mga Committee ang Energy, food Security, Labor, Transportation, Economic Management, Foreign Affairs, Ways and Means, ug Information and Communications Technology ingon usab ang Economic Affairs ug ang Social Services Committee.
Sigon ni Speaker Dy, nga imporatenteng mapresentar ang klaro nga plano sa panggamhanan, dili lang sa kasamtangang sitwasyon kundi pati na usab sa umalabot nga mga katuigan.
Gibutyag usab sa opisyal nga dili kontrolado sa nasud ang nahitabo sa gawas, apan kontrolado matud pa ang mahimong tubag nga ipatuman usab sa gobyerno.
Ang mga hearing himuon human sa Holy Week break aron nga masiguro ang paspas nga aksyon ug gilaoman nga makamugna ang kongreso og mas komprehensibong lakang ug supota sa Executive Action ug mapagaan sa epekto sa pangkalibotanong kagubot sa mga katawhang Pilipino nga apektado sa maong sitwasyon.
