BUTUAN CITY – Gipirmahan na ni Pangulong Rodrigo Duterte ug hingpit nang nahimong balaud ang lakang nga mag-transform sa Butuan City nga sakop sa Agusan del Norte ngadto sa single congressional district.
Ilalom sa Republic Act 11714 nga gipirmahan sa Pangulong Duterte niadtong Abril 27, ang lalawigan sa Agusan del Norte gire-apportion na ngadto sa lone legislative district sa Butuan City ug sa legislative district sa lalawigan sa Agusan del Norte.
Alayon niini, ang legislative district sa Agusan del Norte langkuban na sa siyudad sa Cabadbaran ug mga lungsod sa Las Nieves, Buenavista, Carmen, Jabonga, Kitcharao, Magallanes, Nasipit, Remedios T. Romualdez, Santiago, ug Tubay.
Sa kasamtangan, ang First District gilangkuban sa Butuan City ug lungsod sa Las Nieves, samtang ang Second District gilangkuban sa Cabadbaran City ug ubang mga lungsod sa Agusan del Norte.
Ang re-apportionment sa Agusan del Norte province mu-epekto sa 2025 national elections.
Alayon niini, ang mga incumbent representatives sa una ug ikaduhang Legislative Districts ning lalawigan, padayong murepresenta sa ilang tagsa-tagsa ka mga legislative districts hangtud nga mu-expire ang ilang termino.
Gimanduan sa baaud ang Commission on Elections pag-issue og mahinungdanong rules and regulations.
Nagpagawas og kopya sa RA 11714 ang palasyo sa Malakanyang kagahapon ug mu-epekto kini 15 ka mga adlaw human kini mapuublisar sa Official Gazette o kaha sa mantalaan nga duna’y general circulation
