BUTUAN CITY- Aprubado na sa ikatlo ug kataposang pagbasa sa Senado ang sugyot-balaodnon alang sa paghatag og Philippine citizenship sa mga basketbolistang sila si Maodo “Malick” Diouf ug Elizabeth Jeanette Means.
Gipasar sa mga Senador ang House Bill Nos. 6640 ug 6641 aron subli na nga mahimong Pilipino ang duha kansa makatabang aron nga mapakusagan pa ang basketball program sa nasud.
Gipangulohan ni Senator Francis “Kiko” Pangilinan ang pag-sponsor sa nasangpit nga baloadnon kung asa gihatagan niini og bili ang dakong tabang sa duha ka atleta sa basketball program sa nasud.
Gipasa na kini sa Office of the President aron nga pirmahan ni President Ferdinand Marcos Jr ug aron padayon nga mahimo na kining balaod.
Si Diouf nagdula isip foreign student athlete sa University of the Philippines kung asa nahimo kining yawe sapagkadaog sa Fighting Maroons niadytong UAAP Season 84 men’s basketball niadtong 2022.
Samtang si Means mingdula sa NCAA Division II sa US alang sa Westminster University kung asa ang pamilya niini residente sa Naga, Camarines Sur.
