BUTUAN CITY – Luwas nga naka-abot pasado alas-6:30 kagabii sa Pag-asa Island sa lungsod sa Kalayaan, lalawigan sa Palawan ang Balangay team human ang siyam ka adlaw nga paglawig sa kadagatan alang sa himuon nilang medical mission, gamit ang pinakadako ug pinakamodernong balangay replica sa nasud nga mao ang Balangay FLORENTINO DAS.
Pangunahan ni Dr. Ted Esguerra ang medical mission.
Sigon ni kanhi Department of Environment and Natural Reources kon DENR undersecretary Art Valdez, tumong sa maong misyon nga ipakita ngadto sa China nga dugay nang naglawig ang mga balangay sa nasud adiser pa nila gi-angkon ang pipila ka parte sa West Philippine Sea
Mi-abot sa halos 37-oras ang ilang paglawig gikan sa Fort Balangay sa San Vicente, Palawan kondiin gisabayan pa sila sa Chinese Coast Guard Ship 5204 sa distansyang halos 2-milyas uban sa unom ka mga gagmay’ng bangka.
Gika-ingong duha ka oras human sila mibiya sa San Vicente, mitingog ang ilang radyo kondiin tingog sa usa ka lalaking gitu-uhang Intsik ang nagbalik-balik pagtawag kanila.
