Balangay Festival sa Butuan karong adlawa, walay grand celebration

BUTUAN CITY – Wala’y grand celebration ang dakbayan sa Butuan karong adlawa subay na usab sa Balangay Festival alayon na kapistahan sa patron nga si Sr. San Jose.

Sa eksklusibong pakighinabi sa Bombo Radyo Butuan, gipadayag ni Butuan City ug Agusan del Norte 1^st District Rep. Lawrence Lemuel Fortun nga tungod kini sa padayong hulga sa COVID-19.

Gibutyag sa kongresista nga mahimo gihapon kining sa-ulugon sa mga Butuanon sa simple lamang nga pamaagi isip pasalamat sa Kahitas-an sa mga grasyang nadawat sa entiro tuig.

Angayan usab matud ang sa-ulugon ang maong kapistahan isip pagsaludo sa balangay boats nga maoy gigamit sa atong mga katigulangan sa unang panahon diha sa ilang panginabuhian.