BUTUAN CITY – Gisa-ulog ning adlawa ang kapistahan sa patron saint ning siyudad sa Butuan, Sr San Jose kondiin ang maong kasa-ulugan mas naila sa bansag nga Balangay Festival 2025. Nasayrang gideklarang special non-working day karong adlawa base na sa proclamation number 857 series of 2025 nga gipirmahan sa palasyo sa Malakanyang.
Tumong sa proklamasyon nga matugutan ang mga Butuanons pagsa-ulog sa malipayong okasyon.
Ang Balangay Festival usa ka tinuig nga paghandom sa makasaysayanong kamahinungdanon sa mga balangay boats, nga gigamit sa mga katigulangang Butuanons. Pinaagi sa maong kapistahan, gi-showcase sa Butuan City ang abunda nga cultural heritage sa mga Butuanons.
Sa iyang mensahe ngadto sa mga Butuanons ning adlaw sa kapistahan, gipadayag ni incoming Mayor Lawrence Lemuel Fortun nga ang istorya sa Butuan nga namugna pinaagi sa gihimo sa katigulangan, dili lamang limitado pinaagi sa heyograpiya, kondili usa kini ka buhi ug nagtubo nga legasiya nga padayong nagdasig sa kinabag-an.
