BUTUAN CITY – Nahimong malampuson ang gihimong Balangay Expedition gikan dinhe sa siyudad sa Butuan ngadto sa West Philippine Sea.
Sakay sa Balangay FLORENTINO DAS nga bag-ong gihimo sa siyudad sa Butuan ang 19 ka mga Filipino.
Sigon ni Jody Navarra, usa sa mga nakauban sa expedition, nasurprisa ang tanan sa ilang pag-abot sa West Philippine Sea nga bisan ang philippine coastguard nga gipahibalo nalang nila sa dihang padunggo na sila sa Pag-asa Island.
Sumala pa ni Navarra nga nakadawat usab sila og radio challenge gikan sa mga barko sa China apan wala nila kini gitubag hinoon giwara-wara pa nila ang flag sa Pilipinas.
Katuyuan sa ilang expidition ang pagpamugos nga duna kitay soveriegn rights sa West Philippine Sea tungod kay bisan niadtong wala nakahimu ang China og sakyanan nga motabok sa dagat, naglibot-libot na sa paglawig ang Balangay boat sa maong kadagatan.
Naghatud usab sila og humanitarian aid sa mga namuyo sa Pag-asa Island.
Sa pagpauli usab nila igo nalang sa paglantaw ang 10 ka barko sa China nga naka-posisyon sa lugar.
