Bakasyon sa mga titser, gidugangan pa og 30 ka adlaw

BUTUAN CITY – Gidugangan pa sa Department of Education (DepEd) og 30 ka mga adlaw, ang vacation service credits sa mga magtutudlo. Ang mga service credits, mghatag og kahigayunan sa mga magtutudlo nga i-offset ang ilang mga absences tungod sa sakit o personal nga rason sa ingon mabawi ang gikunhod sa ilang panahon sa bakasyon. 

Ang bag-ong kamanduan naghatag og katungod sa mga magtutudlo pag-avail niini kada-tuig, ilabina kadtong dili mu-ubos sa usa ka tuig  ang serbisyo, apil na ang mga bag-ong hire nga na-assign sulod sa upat ka mga buwan. 

Gawas niini, ang mga bag-ong magtutudlo kansang mga appointments, gihatag sa nakalabay’ng upat ka buwan human sa pagsugod sa klase, makadawat og  45 ka adlaw nga bakasyon kada-tuig.