BUTUAN CITY – Mi-abot sa kinatibuk-ang 600-milyunes pisos nga serbisyo, mga programa ug hinabang pinansyal sa gobyerno ang gihatag ngadto sa kapin 90-mil ka mga benepisyaryo sa gilusad nga Bagong Pilipinas Serbisyo Fair sa Bislig City sa Surigao del Sur ning adlawa.
Gipangunahan ni House Speaker Martin Romualdez ang maong kalihukan apas-sumpay sa ayudang gitunol kagahapong adlawa ni Pangulong Ferdinand Marcos Jr. sa maong lugar. Kapin sa napulo ka mga ahensya sa gobyerno ang mihimo sa ceremonial transfer sa 14 ka mga programa sa gobyerno.
Sigon ni House Speaker Martin Romualdez, importante nga mapabati ngadto sa mga Surigaonons nga ang gobyerno ang mipaduol sa katawhan aron muhatag og serbisyo, magpatuman sa mga gikinahanglang programa ug ipaduol ang hinabang ngadto sa nanginahanglang katawhan.
