BUTUAN CITY – Girekomenda sa pamunuan sa Bagong Pilipinas Serbisyo Fair ngadto kang Speaker Martin Romualdez nga e-draft ang Bagong Pilipinas Bill sa ingon nga ma-institutionalize kini.
Sigon ni House Deputy Secretary General Mr. Sofonias “Ponyong” Gabonada, gihimo nila ang maong rekumendasyon tungod ug alang sa minilyong mga Pilipino nga nanginahanglan og tabang ingon man serbisyo gikan sa gobyerno.
Gawas sa mga serbisyo, hatagan usab og tabang pinansiyal ang mga Pilipinong kabus ilawom sa maong mamugna unya nga balaod.
Dugang ni Gabonada nga higayong mamahimo nang hingpit nga balaod ang Bagong Pilipinas Bill, duna na unyay Bagaong Pilipinas Serbisyo Tulong Centers sa nagkalainlaing bahin sa nasod. Dugang pa ni Gabonada nga siguraduhon matud pa nilamng dunay igong pondo ang maong balaod, ingon man anaa usab ang insaktong sistema ug implementasyon.
Naglaum usab ang maong opisyal nga tugotan ni Presidente Ferdinand Marcos Jr. ingon man ni Speaker Martin Romualdez ug sa Kongreso ang maong sugyot balaodnon ingon man ang budget allocation sa Serbisyo Center matag probinsiya diin, tanan na unyang mga ahensya ang anaa na makita sa nasangpit nga dakbalay.
Ang pamahayag ni House Deputy Secretary General Mr. Sofonias “Ponyong” Gabonada.
