BUTUAN CITY – Andam si Ramil Madriaga nga motubang ug mutestigo sa mga awtoridad kung siya ipatawag batuk sa impeachment proceedings ni Vice President Sara Duterte.
Sumala sa iyang abogado nga si Atty. Raymund Palad, wala sila’y tuyo nga ma-apil ang affidavit sa impeachment complaints batok kang VP Sara tungod kay pinaagi ra sa balita nila nahibal-an ang maong impormasyon.
Kung makadawat si Madriaga og subpoena, mu-atubang siya sa Kongreso, Senado o Ombudsman.
Human sa pag-file sa affidavit sa Ombudsman nga walay kalabotan sa impeachment, gi-review kini ni Rep. Lila De Lima kondiin gika-ingon usab nga kaniadto ni-request si kanhi Senador Antonio Trillanes nga makigkita kang Madriaga aron hisgutan ang affidavit, ug natuman kini niadtong Enero.
Tulo ka mobile phones usab nga gikuptan sa korte ang gituohang adunay ebidensya sama sa call logs, text messages, litrato ug ubang rekord nga makasuporta sa affidavit.
Sigon ni Palad, kung makuha kini, makapamatood matud pa si Madriaga nga siya naglihok isip “bagman” sa Duterte clan apan tungod sa risgo sa iyang kinabuhi samtang nadetine sa kasong kidnapping niadtong 2023, plano niini nga mangayo og proteksyon sa Witness Protection Program (WPP).
