BUTUAN CITY – Gikumpirma ni Department of Labor and Employment kon DOLE-Caraga regional director Chona Mantilla nga sugod karong adlawa, 305-pesos na ang minimum nga inadlaw’ng suhulan sa mga empleyado sa pribadong sektor ning rehiyon. Eksklusibo kining gi-anunsyo sa opisyal dinhi sa Bombo Radyo sa pagsa-ulog ning adlawa sa Labor Day.
Alayon niini, gi-awhag sa opisyal ang mga empleyadong dili makadawat sa maong suhulan nga mupahibalo lang sa ilang buhatan aron masumbong ang estado sa ilang suhulan sa ingon ilang masungko ang ilang mga employers.
Mamahimo matud pang personal nga mureklamo ngadto sa ilang buhatan o kaha ipaagi lang sa email ang ilang reklamo sa ingon ilang mapatubag.
Gidugang sa opisyal nga beripikahon sa ilang mga inspectors ang mga sumbong nga ilang madawat apil na ang regularization.
Tungod niini, as of March ning tuiga, mi-abot na sa dul-an 2.4-milyunes pesos ang nakuha sa halos 300 ka mga trabahanteng misumbong sa ilang buhatan.
Kini gawas pa sa 2,500 ka mga empleyadong ilang napa-regular nga kadaghanan nagtrabaho sa mga minahan kansa ila usab nga gipasalamatan.
Panapos sa opisyal, mukabat sa 6-mil ka mga empleyado ang target nilang ma-regular karong tuiga dinhi lamang sa rehiyon. (Beth Ruiz)
