BUTUAN CITY – Gipangunahan ni Butuan City Mayor Ronnie Vicente Lagnada ang gipahigayong blessing, inauguration ug turn over sa bag-ong pasilidad sa Butuan Medical Center kagahapon.
Ang nasangpit nga pasilidad mao ang kanhi blue ward sa nasangpit nga balay tambalanan nga gi renovate sa SM Foundation ug gibag-ohan ug himan nga magsilbi karong Pediatric ug Geriatric Department sa BMC.
Sa eksklusibong pakighinabi sa Bombo Radyo Butuan kang May Diez tigpamaba sa Butuan City government, gipasabot niini nga i-cater sa nasangpit nga departamento ang mga bata ug katigulangan.
Ang maong pasilidad gilangkuban ug pito ka lawak diin tulo niini ang sa pedia ug duha ang alang sa mga elderly patients, usa ang gipanindot nga nurse station ug laing us aka lawak sa alang sa mga doctor sa pedia. Gawas niini nagdonate usab ang SM foundation ug mga furniture, refrigerator, pito ka aircon sa pito ka lawak ug mga bedding ug bed sheets.
Sa pikas bahin gikabutyag usab ni Connie Angeles ang Executive Director sa health and medical program sa SM foundation nga sa ulamabot nga Pebrero 14 atol sa valentines offering sa SM sa butuan ang pormal nga pag abli sa nahisgutang mall.
