BUTUAN CITY – Wala pa nag-sink-in sa Top 4 sa 2022 Social Worker Licensure Examination (SWLE) ang iyang nakab-ot nga kalampusan.
Sa eksklusibong pakighinabi ning sibyahan kang Rhea Lynn Estrosos, top 4 sa average nga 84.40 percent og taga Santiago, Agusan Del Norte, napuno siya karun sa kalipay og pagpasalamat ilabina sa mga tawong nagsilibing suporta aron makuha ang kadaugan.
Halos dili matud pa makatingog ang iyang ginikanan sa dihang iyang gipahibalo nga siya nag Top 4 sa licensure examination. Gipa-ambit ni Estrosos ang mga sekreto niini sa iyang kalampusan.
Kini mao ang pagsalig sa kaugalingon, ikaduha ang pagpili nga mo-Top sa exam, ang pagbuhat sa iyang parte aron makuha ang pangandoy og ang Ginoo na dayun ang bahala sa tanan.
Wala usab nahimong babag ni Estrosos ang iyang sitwasyun nga bag-ong panganak, diin mag 2 months old pa lang ang iyang baby, aron mag Top sa exam. Hinoon nagsilbi niya kining inspirasyon sa pagkugi og paningkamot.
Nagbilin nalang kini og mensahe ilabina ngadto sa mga magtutungha.
